വേള്ഡ് ഇക്കണോമിക് ഫോറം തയ്യാറാക്കിയ സാമ്പത്തിക സുസ്ഥിരതയുള്ള രാജ്യങ്ങളുടെ ലിസ്റ്റില് ഇന്ത്യയുടെ റാങ്കിംഗില് വന് കുതിപ്പ്.
പട്ടികയില് മറ്റേത് രാജ്യത്തേക്കാളും മികച്ച മുന്നേറ്റമാണ് ഇന്ത്യ കാഴ്ച വെച്ചത്. സാമ്പത്തിക രംഗത്ത് മികച്ച മത്സര ക്ഷമതയുള്ള രാജ്യങ്ങളുടെ പട്ടികയാണിത്.
ഇന്ത്യന് കുതിപ്പിന് കാരണം
ഇന്ധന വില കുറഞ്ഞപ്പോള് പണനയത്തിലെ പരിഷ്കാരങ്ങളുടെയും സാമ്പത്തിക മേഖലയില് വരുത്തിയ നവീകരണത്തിന്റെയും പിന്തുണയിലാണ് ഗ്ലോബല് കോംപറ്റീറ്റീവ് ഇന്ഡക്സില് ഇന്ത്യ നില മെച്ചപ്പെടുത്തിയത്. മുമ്പുണ്ടായിരുന്ന 39ാം സ്ഥാനത്തുനിന്നു 16ാം സ്ഥാനത്തേക്ക് ഇന്ത്യ കുതിച്ചെന്നാണു വേള്ഡ് ഇക്കണോമിക് ഫോറം റിപ്പോര്ട്ട് ചെയ്യുന്നത്. കഴിഞ്ഞ വര്ഷമാണ് ഇന്ത്യ 39ാം സ്ഥാനത്തേക്ക് എത്തിയത്.
ജി20 രാജ്യങ്ങളില് ഇന്ത്യ ഒന്നാമത്
ജി 20 രാജ്യങ്ങളില് ഏറ്റവും വളര്ച്ച കൈവരിച്ച രാജ്യവും ഇന്ത്യയാണ്. പൊതുസ്ഥാപനങ്ങളുടെ വളര്ച്ചയും, വിദേശ നിക്ഷേപം ശക്തിപ്പെടുത്തിയതും രാജ്യാന്തര വ്യവസായങ്ങളുടെ വളര്ച്ചയും സാമ്പത്തിക മേഖലയിലെ സുതാര്യതയുമാണ് വളര്ച്ചയ്ക്ക് മുതല് കൂട്ടായത്.
ബ്രിക്സ് കോംപറ്റീറ്റീവ് ഇക്കണോമി
ബ്രിക്സ് രാജ്യങ്ങളില് രണ്ടാമത്തെ കോംപറ്റീറ്റീവ് ഇക്കണോമി ഇന്ത്യയുടെതാണ്. റിപ്പോര്ട്ട് അനുസരിച്ച് ചൈന 28ാം സ്ഥാനത്താണ്.
ആദ്യസ്ഥാനങ്ങളില് ഇവര്
സ്വിറ്റ്സര്ലന്ഡ്, സിംഗപ്പൂര്, അമേരിക്ക എന്നീ രാജ്യങ്ങളാണ് റാങ്കിംഗില് മുന്നില് നില്ക്കുന്നത്. സാമ്പത്തിക ശേഷിയുടെയും ഉത്പാദന ക്ഷമതയുടെയും അടിസ്ഥാനത്തില് 138 രാജ്യങ്ങളെയാണ് റിപ്പോര്ട്ടിനായി പരിഗണിച്ചത്.