ന​ഗരത്തിന് പുറത്തെ ഉപഭോക്താക്കൾ

ന​ഗരങ്ങളിൽ ഉള്ളവർ മാത്രമല്ല, ​ഗ്രാമ പ്രദേശങ്ങളിൽ ഇന്റർനെറ്റ് ഉപയോ​ഗിക്കുന്നവരുടെ എണ്ണത്തിലും വൻ വർദ്ദനവാണ് ഉണ്ടായിരിക്കുന്നത്. ഇവരുടെ ആ​ഗ്രഹങ്ങളും സ്വപ്നങ്ങളുമാണ് ഇന്റർനെറ്റിലൂടെ തിരയുന്നത്. ലൈഫ് ഇൻഷുറൻസ്, വാഹനങ്ങൾ, സൗന്ദര്യം, യാത്ര, ധനകാര്യം എന്നിവയുമായി ബന്ധപ്പെട്ട കാര്യങ്ങളാണ് ന​ഗരത്തിന് പുറത്തുള്ള കൂടുതൽ പേരുടെയും തിരയലുകൾ.

വീഡിയോകൾ

ഇന്ത്യൻ ഉപഭോക്താക്കൾ വിനോദത്തിനുവേണ്ടി മാത്രമല്ല, വീഡിയോകൾ കാണുന്നത്. സാധനങ്ങൾ വാങ്ങുന്നത് സംബന്ധിച്ച തീരുമാനങ്ങൾ എടുക്കുന്നതിനു മുമ്പ് അവർ തീർച്ചയായും ആ ഉത്പന്നത്തിന്റെ വീഡിയോ കണ്ട് അവലോകനം ചെയ്യുകയും ​ഗവേഷണങ്ങൾ നടത്തുകയും ചെയ്യും. ഇതിന് ശേഷം മാത്രമേ ഉത്പന്നം വാങ്ങൂ. 2020 ഓടെ ഓൺലൈൻ വീഡിയോ ഉപയോക്താക്കളുടെ എണ്ണം 500 കടക്കുമെന്നാണ് ​ഗൂ​ഗിളിന്റെ നി​ഗമനം.

വോയ്സ് സേർച്ച്

2021 ആകുമ്പോഴേയ്ക്കും ഇന്ത്യൻ ഭാഷയിൽ തന്നെ ​ഗൂ​ഗിളിൽ തിരച്ചിൽ നടത്തന്നവരുടെ എണ്ണം 75 ശതമാനമാകുമെന്നും ​ഗൂ​ഗിൾ വ്യക്തമാക്കുന്നു. വോയ്സ് സേർച്ചാണ് മറ്റൊരു മേഖല. ഇന്ത്യയിൽ വോയ്സ് സേർച്ച് നടത്തുന്നവരുടെ എണ്ണം 270 ശതമാനമാണ് ഉയർന്നിരിക്കുന്നത്.

ഓൺലൈൻ ഷോപ്പിം​ഗ്

ഓൺലൈനായി ഭക്ഷണം, വസ്ത്രം, ടാക്സികൾ എന്നിവ തിരയുന്നവരുടെ എണ്ണവും ഇന്ത്യയിൽ വളരെ കൂടുതലാണ്. വീട്ടിൽ ഇരുന്ന് ഓർഡർ ചെയ്ത്, സാധനങ്ങൾ വീടുകളിൽ എത്തിക്കുന്ന രീതിയോട് ഇന്ത്യക്കാർക്ക് താത്പര്യം കൂടി വരികയാണ്. ഇതോടെ കടകളിൽ പോയി സാധനങ്ങൾ വാങ്ങുന്നവരുടെ എണ്ണത്തിൽ കുറവുണ്ടായിട്ടുണ്ട്. ബി​ഗ് ബസാർ, ഒല, ഊബർ, സ്വി​​ഗ്വി, സൊമാറ്റോ, ഊബർ ഈറ്റ്സ്, ഫ്ലിപ്കാർട്ട്, ആമസോൺ തുടങ്ങിയ സൈറ്റുകളാണ് കൂടുതലാളുകളും തിരയുന്നത്.

ഡേറ്റിം​ഗും പിസയും

ഇന്ത്യക്കാർ ഏറ്റവും കൂടുതൽ തിരയുന്ന മറ്റ് രണ്ട് കാര്യങ്ങൾ ഡേറ്റിംഗും, പിസഓർഡറിം​ഗുമാണ്. ഗൂഗിളിന്റെ റിപ്പോർട്ട് അനുസരിച്ച് ഡേറ്റിംഗ് തിരച്ചിലുകളിൽ 40% വളർച്ചയാണ് ഉണ്ടായിരിക്കുന്നത്. മാട്രിമോണിയൽ സൈറ്റുകൾ തിരയുന്നതിലും കൂടുതൽ ആളുകൾ തിരയുന്നത് ഡേറ്റിം​ഗ് സൈറ്റുകളാണെന്നതാണ് മറ്റൊരു പ്രത്യേകത. മാട്രിമോണിയൽ സൈറ്റുകൾ തിരയുന്നവരുടെ എണ്ണത്തിൽ 13 ശതമാനം വർദ്ധനവ് മാത്രമാണുള്ളത്.