Just In
-
-
-
-
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില് -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പുതിയ വ്യാപാര ആഴ്ചയ്ക്കു ആവേശത്തുടക്കം. പ്രധാന സൂചികകളെല്ലാം മികച്ച നേട്ടത്തോടെയാണ് വ്യാപാരം പൂര്‍ത്തിയാക്കിയത്. പ്രധാന സൂചികയായ നിഫ്റ്റി ഒരിടവേളയ്ക്കു ശേഷം വളരെ നിര്‍ണായകമായ 18,000 നിലവാരം തിരികെ പിടിച്ചു. ഇന്നത്തെ വ്യാപാരത്തിനൊടുവില്‍ നിഫ്റ്റി 225 പോയിന്റ് നേട്ടത്തോടെ 18,012-ലും സെന്‍സെക്‌സ് 787 പോയിന്റ് കുതിച്ചുയര്‍ന്ന് 60,747-ലും ക്ലോസ് ചെയ്തു.
5 ഘടകങ്ങള്‍
- ഫെഡറല്‍ റിസര്‍വില്‍ നിന്നും ശുഭപ്രതീക്ഷ- ഉടനടി അമേരിക്കയില്‍ സാമ്പത്തികമാന്ദ്യം നേരിടാനുള്ള സാധ്യത കുറവാണെന്ന പ്രതീക്ഷ നല്‍കുന്ന സാമ്പത്തിക വിവരങ്ങളും പണപ്പെരുപ്പ നിരക്കില്‍ ഇനി കാര്യമായ വര്‍ധനയുണ്ടാകില്ല എന്ന അനുമാനവും വിപണിയെ തുണയ്ക്കുന്നു. അതുപോലെ നവംബര്‍ 1,2 തീയതികളില്‍ ചേരുന്ന എഫ്ഒഎംസി യോഗത്തില്‍ 75 ബിപിഎസ് നിരക്കില്‍ പലിശ വര്‍ധിപ്പിച്ചാലും ഡിസംബര്‍ യോഗം മുതല്‍ പലിശ നിരക്ക് വര്‍ധനയുടെ തോതും വേഗതയും കുറയ്ക്കാന്‍ ഫെഡറല്‍ റിസര്‍വ് തയ്യാറാകുമെന്ന നിഗമനങ്ങളുമാണ് വിപണിയെ ഇപ്പോള്‍ മുന്നോട്ട് നയിക്കുന്നത്.
ഘടകങ്ങള്‍
- ഇക്കഴിഞ്ഞ വെള്ളിയാഴ്ച അമേരിക്കന്‍ സൂചികകളില്‍ രേഖപ്പെടുത്തിയ വന്‍ മുന്നേറ്റവും ഇതിനെ തുടര്‍ന്ന് തിങ്കളാഴ്ച ഏഷ്യന്‍ വിപണികളും മികച്ച നേട്ടത്തോടെ തുടങ്ങിയതും ആഭ്യന്തര വിപണിയേയും നേട്ടത്തിലേക്കെത്തിച്ചു.
- ഡോളര്‍ സൂചികയിലെ തിരുത്തല്‍ വിദേശ നിക്ഷേപകരെ കടുത്ത വില്‍പനയില്‍ നിന്നും തടയുന്നതും അനുകൂല ഘടകമാകുന്നു. ഡോളര്‍ സൂചിക 110 നിലവാരവും തകര്‍ത്ത് താഴേക്ക് പതിച്ചാല്‍ അത് ആഭ്യന്തര വിപണിയെ സ്ഥിരത കൈവരിക്കാന്‍ സഹായിക്കും.
- വിദേശ നിക്ഷേപകരുടെ വില്‍പനയുടെ തോത് കുറഞ്ഞതും തെരഞ്ഞെടുത്ത ഓഹരികള്‍ വാങ്ങിക്കൂട്ടുന്നതും നേട്ടമാകുന്നു.
- സമീപകാല പ്രതിരോധം ചാടിക്കടക്കാന്‍ പ്രധാന സൂചികകള്‍ക്ക് ഇന്നു തുടക്കത്തിലെ സാധിച്ചതും കുതിപ്പിനുള്ള കളമൊരുക്കി.
മാര്‍ക്കറ്റ് റിപ്പോര്‍ട്ട്
എന്‍എസ്ഇയില്‍ ഇന്നു വ്യാപാരം പൂര്‍ത്തിയാക്കിയ ആകെ 2,253 ഓഹരികളില്‍ 1,033 എണ്ണം നേട്ടത്തോടെയും 775 ഓഹരികള്‍ നഷ്ടം നേരിട്ടുമാണ് ക്ലോസ് ചെയ്തത്. ഇതോടെ എന്‍എസ്ഇയില്‍ നേട്ടവും നഷ്ടവും കുറിച്ച ഓഹരികള്‍ തമ്മിലുള്ള അനുപാതമായ എഡി റേഷ്യോ 1.21 നിരക്കിലേക്ക് മെച്ചപ്പെട്ടു. കഴിഞ്ഞ ദിവസം എഡി റേഷ്യോ 0.65 നിലവാരത്തിലേക്ക് താഴ്ന്നിരുന്നു. മിഡ് കാപ്, സ്‌മോള്‍ കാപ് വിഭാഗം ഓഹരികളിലെ നിക്ഷേപ താത്പര്യം എഡി റേഷ്യോ മെച്ചപ്പെടുത്താന്‍ സഹായിച്ചു.
എന്‍എസ്ഇയുടെ 15 ഓഹരി വിഭാഗം സൂചികകളും തിങ്കളാഴ്ച നേട്ടത്തോടെയാണ് വ്യാപാരം പൂര്‍ത്തിയാക്കിയത്. നിഫ്റ്റി ഓട്ടോ, ഫൈനാന്‍ഷ്യല്‍ സര്‍വീസസ്, ഐടി, ഫാര്‍മ, ഹെല്‍ത്ത്‌കെയര്‍ ഇന്‍ഡക്‌സ്, കണ്‍സ്യൂമര്‍ ഡ്യൂറബിള്‍സ്, ഓയില്‍ & ഗ്യാസ് വിഭാഗം സൂചികകള്‍ ഒരു ശതമാനത്തിലധികം നേട്ടം കൈവരിച്ചു. നിഫ്റ്റി ബാങ്ക്, എഫ്എംസിജി വിഭാഗം സൂചികകള്‍ ഒരു ശതമാനത്തോളം മുന്നേറ്റവും കാഴ്ചവെച്ചു.
സമാനമായി നിഫ്റ്റി50-യുടെ ഭാഗമായി 50 ഓഹരികളില്‍ 44 എണ്ണവും ഇന്ന് നേട്ടം രേഖപ്പെടുത്തി.
നേട്ടം-: അള്‍ട്രാടെക് സിമന്റ് 4.13 %, എച്ച്ഡിഎഫ്‌സി 3.02 %, ഐഷര്‍ മോട്ടോര്‍സ് 2.92 %, എം & എം 2.91 %, സണ്‍ ഫാര്‍മ 2.70 %, എച്ച്ഡിഎഫ്‌സി ബാങ്ക് 2.55 % വീതവും ഇന്ന് നേട്ടം കുറിച്ചു.
നഷ്ടം-: അപ്പോളൊ ഹോസ്പിറ്റല്‍ -1.16 %, ഡോ. റെഡ്ഡീസ് ലാബ് -0.60 %, എന്‍ടിപിസി -0.49 %, ഇന്‍ഡസ്ഇന്‍ഡ് ബാങ്ക് -0.35 %, ടാറ്റ സ്റ്റീല്‍ -0.20 % വീതവും നഷ്ടം നേരിട്ടു.
