ഈ സാമ്പത്തിക വർഷത്തെ അഞ്ചാം തവണ സ്വർണ്ണ ബോണ്ടുകൾ ഇന്ന് സബ്സ്ക്രിപ്ഷനായി തുറക്കും. ഇഷ്യു വില ഗ്രാമിന് 5,334 രൂപയായാണ് നിശ്ചയിച്ചിരിക്കുന്നത്. ഓൺലൈനിൽ അപേക്ഷിക്കുകയും ഓൺലൈനായി പേയ്മെന്റ് നടത്തുകയും ചെയ്യുന്നവർക്ക് ഒരു ഗ്രാമിന് 50 രൂപ കിഴിവ് ലഭിക്കും. അത്തരം നിക്ഷേപകർക്ക്, സ്വർണ്ണ ബോണ്ടിന്റെ ഇഷ്യു വില ഒരു ഗ്രാമിന് 5,284 രൂപ ആയിരിക്കും. സോവറിൻ ഗോൾഡ് ബോണ്ട് സ്കീം 2020-21-സീരീസ് v ഓഗസ്റ്റ് 7 വരെ (വെള്ളിയാഴ്ച) തുറന്നിരിക്കും. ഗോൾഡ് ബോണ്ട് സ്കീമിനെക്കുറിച്ച് അറിയേണ്ട ചില പ്രധാന കാര്യങ്ങൾ ഇതാ:
ഇഷ്യു തീയതി
ഈ വർഷം സ്വർണ വില 37% ഉയരുകയും വില 10 ഗ്രാമിന് 54,000 രൂപയിലേയ്ക്ക് ഉയർന്നതുമായ സമയത്താണ് ഈ സോവറിൻ ഗോൾഡ് ബോണ്ട് സബ്സ്ക്രിപ്ഷൻ. സ്വർണ്ണ ബോണ്ടുകളുടെ ഇഷ്യു തീയതി 2020 ഓഗസ്റ്റ് 11 ആയിരിക്കും.
ഓടിപ്പോയി കൈയിലുള്ള സ്വർണം വിൽക്കരുതേ.. അടുത്ത രണ്ട് വർഷം, സ്വർണ വില എങ്ങോട്ട്?
ആർബിഐ നൽകുന്നു
ഇന്ത്യൻ സർക്കാരിനുവേണ്ടി ആർബിഐയാണ് സോവറിൻ സ്വർണ്ണ ബോണ്ടുകൾ നൽകുന്നത്. അടിസ്ഥാനപരമായി, സ്വർണ്ണ ബോണ്ടുകൾ ഗ്രാം തൂക്കത്തിൽ സൂചിപ്പിച്ചിരിക്കുന്ന സർക്കാർ സെക്യൂരിറ്റികളാണ്. ഭൌതിക സ്വർണ്ണം കൈവശം വയ്ക്കുന്നതിന് പകരം സ്വർണ ബോണ്ടുകളിൽ നിക്ഷേപം നടത്താം.
ആറ് തവണ
ഒരു ഗ്രാം അടിസ്ഥാന യൂണിറ്റ് ഉള്ള സ്വർണ്ണത്തിന്റെ ഗുണിതങ്ങളിലാണ് ബോണ്ടുകൾ വിൽക്കുന്നത്. ഏപ്രിൽ 20 മുതൽ സെപ്റ്റംബർ വരെ ആറ് തവണകളായി സർക്കാർ സോവറിൻ ഗോൾഡ് ബോണ്ടുകൾ (എസ്ജിബി) നൽകുമെന്ന് റിസർവ് ബാങ്ക് ഏപ്രിലിൽ പ്രഖ്യാപിച്ചിരുന്നു.
സ്വർണത്തിന് ഇന്ന് ചരിത്ര വില, കേരളത്തിൽ പവന് 40000 രൂപയിൽ തൊട്ടു
അടുത്ത സബ്സ്ക്രിപ്ഷൻ
സെപ്റ്റംബറിലെ സോവറിൻ ഗോൾഡ് ബോണ്ട് പദ്ധതി (സോവറിൻ ഗോൾഡ് ബോണ്ട് സ്കീം 2020-21-സീരീസ് VI) 2020 ഓഗസ്റ്റ് 31 മുതൽ 2020 സെപ്റ്റംബർ 04 വരെ തുറക്കും. അഞ്ചാം വർഷത്തിനുശേഷം എക്സിറ്റ് ഓപ്ഷനുമായി എട്ട് വർഷമാണ് സ്വർണ്ണ ബോണ്ടുകളുടെ കാലാവധി.
കേരളത്തിലെ സ്വർണ വിലയുടെ ചരിത്രം പരിശോധിക്കാം, 75 വർഷം മുമ്പ് വില വെറും 13 രൂപ
സ്വർണ ബോണ്ട് വാങ്ങാം
ബാങ്കുകൾ, നിയുക്ത പോസ്റ്റ് ഓഫീസുകൾ, സ്റ്റോക്ക് ഹോൾഡിംഗ് കോർപ്പറേഷൻ ഓഫ് ഇന്ത്യ ലിമിറ്റഡ് (എസ്എച്ച്സിഐഎൽ), സ്റ്റോക്ക് എക്സ്ചേഞ്ചുകൾ എന്നിവയിലൂടെയോ നേരിട്ടോ ഏജന്റുമാർ വഴിയോ സ്വർണ്ണ ബോണ്ടുകൾ വാങ്ങാം.
സ്വർണ വില
വീണ്ടെടുക്കൽ വില അന്നത്തെ നിലവിലുള്ള സ്വർണ വിലയെ അടിസ്ഥാനമാക്കിയിരിക്കും. 3 പ്രവൃത്തി ദിവസങ്ങളിലെ 999 പരിശുദ്ധിയുള്ള സ്വർണത്തിന്റെ ഇന്ത്യ ബുള്ളിയൻ ആൻഡ് ജ്വല്ലേഴ്സ് അസോസിയേഷൻ ലിമിറ്റഡ് പ്രസിദ്ധീകരിച്ച വില അനുസരിച്ചാണ് ബോണ്ടിന്റെ വില നിശ്ചയിക്കുന്നത്.
ഡീമാറ്റ് രൂപത്തിൽ
സ്വർണ്ണ ബോണ്ട് ഡീമാറ്റ് രൂപത്തിൽ കൈവശം വച്ചിട്ടുണ്ടെങ്കിൽ, അത് എക്സ്ചേഞ്ചുകളിൽ ട്രേഡ് ചെയ്യാൻ കഴിയും, അഞ്ച് വർഷത്തിന് മുമ്പ് തന്നെ ഇത്തരത്തിൽ ബോണ്ടുകൾ വിൽക്കാം.
വാർഷിക പലിശ നിരക്ക്
നിക്ഷേപകർക്ക് 2.50% വാർഷിക പലിശ നിരക്ക് ഗോൾഡ് ബോണ്ടുകൾ വാഗ്ദാനം ചെയ്യുന്നു. കാലാവധി പൂർത്തിയാകുമ്പോൾ മൂലധന നേട്ടങ്ങൾ നികുതിരഹിതമാണ്. സ്വർണ്ണ ബോണ്ടുകളിൽ ലഭ്യമായ എക്സ്ക്ലൂസീവ് ആനുകൂല്യമാണിത്.