എന്‍.ആര്‍.ഇ., എന്‍.ആര്‍.ഒ. അക്കൗണ്ടുകള്‍ തമ്മിലുള്ള വ്യത്യാസമെന്ത്

<p>വിദേശ ഇന്ത്യക്കാര്‍ക്ക് (എന്‍.ആര്‍.ഐ.) ഇന്ത്യയില്‍ രണ്ടു തരം ബാങ്ക് അക്കൗണ്ടുകള്‍ തുറക്കാം. നോണ്‍ റെസിഡന്റ് എക്‌സ്‌റ്റേണല്‍ റൂപ്പീ (എന്‍.ആര്‍.ഇ.) അക്കൗണ്ടും നോണ്‍ റെസഡന്റ് ഓര്‍ഡിനറി റൂപ്പീ (എന്‍.ആര്‍.ഒ.) അക്കൗണ്ടും.</p> <p><strong>എന്‍.ആര്‍.ഇ. അക്കൗണ്ട്</strong></p> <p>സേവിങ്‌സ്, കറന്റ്, റിക്കറിങ്, ഫിക്‌സഡ് ഡെപ്പോസിറ്റ് അക്കൗണ്ടുകള്‍</p> <p>എന്‍.ആര്‍.ഇ അക്കൗണ്ടായി തുടങ്ങാം. ഒരാളുടെയോ ഒന്നിലേറെപ്പേരുടെ പേരിലുള്ള ജോയിന്റ് അക്കൗണ്ടായൊ തുടങ്ങാം; എല്ലാവരും ഇന്ത്യക്കാരായിരിക്കണമെന്നു മാത്രം. ഈ അക്കൗണ്ടുകള്‍ തുടങ്ങാന്‍ കക്ഷികള്‍ നേരിട്ടുതന്നെ എത്തണം; പവര്‍ ഓഫ് അറ്റോണി വഴി മറ്റൊരാള്‍ക്ക് ഈ അക്കൗണ്ട് തുടങ്ങാന്‍ കഴിയില്ല. വിദേശജോലിക്കു പോകുന്നവര്‍ക്ക് പോകുന്നതിനു മുന്‍പു തന്നെ എന്‍.ആര്‍.ഇ അക്കൗണ്ട് തുറക്കാം.<br />അക്കൗണ്ടിലേക്ക് വിദേശത്തു നിന്ന് പണമയയ്ക്കാം, മറ്റ് എന്‍.ആര്‍.ഇ. അക്കൗണ്ടുകളില്‍ നിന്ന് ട്രാന്‍സ്ഫര്‍ ചെയ്യാം. മറ്റു വിധത്തിലൊന്നും ഈ അക്കൗണ്ടിലേക്കു പണം നിക്ഷേപിക്കാന്‍ കഴിയില്ല.<br />ശമ്പളം കിട്ടുന്നതു വിദേശനാണ്യത്തിലാണെങ്കിലും അക്കൗണ്ടിലെ പണം ഇന്ത്യന്‍ രൂപയില്‍ തന്നെ കണക്കാക്കി നിലനിര്‍ത്താം. ഇന്ത്യന്‍ രൂപയുടെ മൂല്യത്തിലുള്ള ഏറ്റക്കുറച്ചിലുകള്‍ നിക്ഷേപത്തെ ബാധിക്കും.</p> <p><br />ഈ അക്കൗണ്ടുകളിലെ നിക്ഷേപത്തിനും പലിശവരുമാനത്തിനും സമ്പൂര്‍ണ്ണ നികുതിയളവുണ്ട്. ഇന്‍കം ടാക്‌സോ വെല്‍ത്ത് ടാക്‌സോ കൊടുക്കേണ്ടതില്ല.<br />പലിശനിരക്ക് ബാങ്കുകള്‍ക്കു നിശ്ചയിക്കാം; പക്ഷേ നാട്ടിലെ സമാനമായ  അക്കൗണ്ടുകള്‍ക്കു കൊടുക്കുന്നതിനെക്കാള്‍ കൂടുതല്‍ കൊടുക്കാന്‍ പാടില്ല.</p> <p><strong>

</strong></p> <p>

</p> <p><strong>എന്‍.ആര്‍.ഒ. അക്കൗണ്ട്</strong><br />സേവിങ്‌സ്, കറന്റ്, റിക്കറിങ്, ഫിക്‌സഡ് ഡെപ്പോസിറ്റ് അക്കൗണ്ടുകള്‍ ഈ വിധത്തില്‍ തുടങ്ങാം. ഒരാളുടെ പേരിലുള്ള അക്കൗണ്ടായോ ഒന്നിലേറെപ്പേരുടെ പേരിലുള്ള ജോയിന്റ് അക്കൗണ്ടായോ എന്‍.ആര്‍.ഒ.അക്കൗണ്ടു തുടങ്ങാം; അതു നാട്ടിലുള്ള ബന്ധുക്കളുമാകാം. ഏത് അക്കൗണ്ടില്‍ നിന്നും ഇതിലേക്കു പണം അയയ്ക്കാം.</p> <p><strong>റിപാട്രിയേഷന്‍ (വിദേശ ആവശ്യങ്ങള്‍ക്കുപയോഗിക്കല്‍)</strong><br />1. നിലവിലുള്ള വരുമാനം<br />2. പ്രതിവര്‍ഷം പരമാവധി പത്തു ലക്ഷം യു.എസ്. ഡോളര്‍ വരെ</p> <p>ഇന്ത്യന്‍ രൂപയുടെ മൂല്യത്തിലെ ഏറ്റക്കുറച്ചിലുകള്‍ നിക്ഷേപത്തിനു ബാധകമായിരിക്കും.<br />പലിശ നിരക്കുകള്‍ തീരുമാനിക്കാന്‍ ബാങ്കുകള്‍ക്കു സ്വാതന്ത്ര്യമുണ്ട്. പക്ഷേ  സമാനമായ  അക്കൗണ്ടുകള്‍ക്കു കൊടുക്കുന്നതിനെക്കാള്‍ കൂടുതല്‍ കൊടുക്കാന്‍ പാടില്ല.</p> <p>പലിശവരുമാനത്തിനു നികുതി നല്‍കണമെന്നതാണ് എന്‍.ആര്‍.ഇ. അക്കൗണ്ടുമായുള്ള കാതലായ വ്യത്യാസം. അത് ബാങ്കുകള്‍ അക്കൗണ്ടില്‍ നിന്നു കുറവു ചെയ്യുകയും ചെയ്യും.</p>

Read in English: What is the difference between a NRE and NRO account?