Just In
-
-
-
-
Don't Miss
-
തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല -
ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഡിജിറ്റല്‍ കാലത്ത് എല്ലാ പേയ്‌മെന്റുകളും ഡിജിറ്റലായതോടെ ബാങ്ക് അക്കൗണ്ടുകളുടെ ഉപയോഗവും സജീവമായി. കാര്യങ്ങള്‍ നടത്താനൊരു സേവിംഗ്സ് അക്കൗണ്ട് എന്നതിനപ്പുറം അക്കൗണ്ടിന്റെ ഗുണങ്ങളെ പറ്റിയോ പലിശയെ പറ്റിയോ പലരും ശ്രദ്ധിക്കുന്നുണ്ടാകില്ല. പൊതുമേഖലാ ബാങ്കുകളിലെ സ്ഥിര നിക്ഷേപത്തേക്കാള്‍ പലിശ ലഭിക്കുന്നതിനൊപ്പം നികുതി ആനുകൂല്യങ്ങളടക്കമുള്ള മറ്റു ഗുണങ്ങളും സേവിംഗ്സ് അക്കൗണ്ടിനുണ്ട്.
ഒറ്റ ക്ലിക്കിൽ കെവൈസി വിവരങ്ങൾ നൽകിയാൽ എളുപ്പത്തിൽ സേവിംഗ്സ് അക്കൗണ്ടുകളെടുക്കാൻ സാധിക്കും. ഉയർന്ന പലിശയ്ക്കൊപ്പം എപ്പോഴും പണ എളുപ്പത്തില്‍ ലഭ്യമാകുന്നു എന്നതാണ് സേവിംഗ്സ് അക്കൗണ്ടുകളുടെ നേട്ടം. സേവിംഗ്സ് അക്കൗണ്ടിലെ പണം എടിഎം വഴിയോ ബാങ്കുകളില്‍ നിന്നോ എളുപ്പത്തില്‍ പിന്‍വലിക്കാന്‍ സാധിക്കും. ഇതോടൊപ്പം ഓണ്‍ലൈനായും ഓഫ് ലൈനായും ഉപയോഗിക്കാമെന്നതും സേവിംഗ്സ് അക്കൗണ്ടുകളുടെ നേട്ടമാണ്. 7 ശതമാനം പലിശ നൽകുന്ന ബാങ്കുകളും സേവിംഗ്സ് അക്കൗണ്ടുകളുടെ നേട്ടങ്ങലും പരിശോധിക്കാം.
സേവിംഗ്സ് അക്കൗണ്ട്
പോക്കറ്റിൽ കൊണ്ടു നടക്കാവുന്ന ബാങ്ക് എന്ന് വേണമെങ്കിൽ സേവിംഗ്സ് ബാങ്ക് അക്കൗണ്ടിനെ വിളിക്കാം. മൊബൈല്‍ ഫോണ്‍ വഴി ബാങ്കിംഗ് സേവനങ്ങള്‍ ഉപയോഗിക്കാന്‍ സാധിക്കും. സേവിംഗ്സ് അക്കൗണ്ടിനൊപ്പം ഡെബിറ്റ് കാര്‍ഡ്, ചെക്ക് ബുക്ക് സൗകര്യങ്ങള്‍ ബാങ്കിൽ നിന്ന് ലഭിക്കും സ്ഥിര നിക്ഷേപം ആരംഭിക്കാനും വായ്പകളെടുക്കാനും സേവിംഗ്സ് അക്കൗണ്ട് ഉടമകൾക്ക് എളുപ്പത്തില്‍ സാധിക്കും.
ഇതോടൊപ്പം ലോക്കര്‍ സൗകര്യം നേടണമെങ്കിലും സേവിംഗ്സ് അക്കൗണ്ട് ആവശ്യമാണ്. ചില ബാങ്കുകള്‍ വ്യക്തിഗത അപകട, മരണ ഇന്‍ഷൂറന്‍സ് പരിരക്ഷയും സേവിംഗ്സ് അക്കൗണ്ട് ഉടമകള്‍ക്ക് നല്‍കുന്നുണ്ട്. എല്ലാ സേവിംഗ്സ് അക്കൗണ്ടുകൾക്കും ഡെപ്പോസിറ്റ് ഇൻഷൂറൻസ് ആൻഡ് ക്രെഡിറ്റ് ഗ്യാരണ്ടി കോർപ്പറേഷന്റെ ഇൻഷൂറൻസ് ലഭിക്കും.
7 ശതമാനം പലിശ നല്‍കുന്ന ബാങ്കുകള്‍
ബാങ്ക് അക്കൗണ്ട് ആരംഭിക്കുന്നൊരാൾ പലിശ നിരക്ക് ശ്രദ്ധിക്കേണ്ടതാണ്. ഇതിനൊപ്പം എടിഎം ചാർജുകൾ, മിനിമം ബാലൻസ് എന്നിവ കൂടി മനസിലാക്കണം. പലിശയിലേക്ക് വന്നാൽ പൊതുമേഖലാ ബാങ്കുകളില്‍ സ്ഥിര നിക്ഷേപത്തിനെന്ന പോലെ സേവിംഗ്സ് അക്കൗണ്ടിലും പലിശ കുറവാണ്. 3.50 ശതമാനം വരെയാണ് മിക്ക ബാങ്കുകളും നല്‍കുന്ന പലിശ നിരക്ക്.
സ്വകാര്യ ബാങ്കായ ഡിസിബി ബാങ്കില്‍ 2.5 ശതമാനം മുതല്‍ 7 ശതമാനം വരെ പലിശ ലഭിക്കും, 2500 രൂപ മുതല്‍ 5000 രൂപ വരെയാണ് സേവിംഗ്സ് അക്കൗണ്ടില്‍ ആവശ്യമായ മിനിമം ബാലന്‍സ്. ബൻഡൻ ബാങ്കിൽ 6.5 ശതമാനവും ഐഡിഎഫ്സി ഫസ്റ്റ് ബാങ്ക്, ആർബിഎൽ ബാങ്ക്, യെസ് ബാങ്ക് എന്നിവിടങ്ങിൽ 6.28 ശതമാനം പലിശയും സേവിംഗ്സ് അക്കൗണ്ടിന് ലഭിക്കും.
സ്മോൾ ഫിനാൻസ് ബാങ്ക്
സ്‌മോള്‍ സേവിംഗ്സ് ബാങ്കുകളില്‍ എയു സ്‌മോള്‍ സേവിംഗ്സ് ബാങ്കില്‍ നിന്ന് 7 ശതമാനം പലിശ ലഭിക്കും 2,000 രൂപ മുതൽ 5,000 രൂപ വരെയാണ് ബാങ്കില്‍ ആവശ്യമായ മിനിമം ബാലന്‍സ്.
ഇക്വിറ്റാസ് സ്‌മോള്‍ സേവിംഗ്സ് ബാങ്കിലും 7 ശതമാനം വരെ പലിശ സേവിംഗ്സ് അക്കൗണ്ടിന് ലഭിക്കും. 10,000 രൂപ വരെ മിനിമം ബാലൻസ് ആവശ്യമാണ്. സൂരോദ്യയ് സ്‌മോള്‍ ഫിനാന്‍സ് ബാങ്കില്‍ മിനിമം ബാലന്‍സില്ലാതെ 7 ശതമാനം പലിശ നേടാം.
നികുതി ഇളവ്
സേവിംഗ്സ് അക്കൗണ്ടിൽ പലിശയ്ക്കൊപ്പം നികുതി ഇളവും അടങ്ങിയിരിക്കുന്നുണ്ട്. ഉയർന്ന പലിശ നിരക്ക് ലഭിക്കുമ്പോഴുണ്ടാകുന്ന വരുമാനത്തിന് ആദായ നികുതി ഇളവുമുണ്ട്. ആദായ നികുതി നിയമത്തിലെ സെക്ഷൻ 80ടിടിഎ പ്രകാരം സേവിംഗ്സ് ബാങ്ക് അക്കൗണ്ടിലെ 10,000 രൂപ വരെയുള്ള പലിശ വരുമാനത്തിന് ആദായ നികുതി കിഴിവ് നേടാൻ സാധിക്കും. 60 വയസിന് താഴെ പ്രായമുള്ള വ്യക്തിഗത നികുതിദായകർക്കും ഹിന്ദു അഭിവക്ത കുടുംബങ്ങള്‍ക്കും മാത്രമാണ് ഇളവ് ലഭിക്കുക.
