Just In
-
-
-
-
Don't Miss
-
വരാനിരിക്കുന്ന ഡസ്റ്ററിൽ പെട്രോൾ എഞ്ചിൻ മാത്രം, കാശ് കുറച്ച് പൊട്ടുമെന്ന കാര്യം ഉറപ്പായി -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും.. -
IPL 2024: ആര്സിബിയുടെ വമ്പന് തോല്വി, കോളടിച്ചത് മുംബൈക്ക്! എങ്ങനെയെന്ന് അറിയാം -
പെണ്ണ് പറഞ്ഞാല് സ്വീകാര്യം, പുരുഷന് പറഞ്ഞാല് സെക്സിസം; ജാസ്മിന് ചിന്ത വീട്ടുകാരെപ്പറ്റി മാത്രം? -
മുഖത്തെ ചുളിവുകള് പ്രായമാകല് കൊണ്ട് മാത്രമല്ല, ജീവിതശൈലി പ്രശ്നങ്ങള് കൊണ്ടും വരാം -
വിവാഹത്തിന് വരൻ എത്തിയത് മദ്യപിച്ച് ലക്കുകെട്ട്; പത്തനംതിട്ടയിൽ അവസാനനിമിഷം വിവാഹം മുടങ്ങി -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം
വിപണി ചാഞ്ചാട്ടത്തിന്റെ വാർത്തകളാണ് ഈയിടെയായി നിരന്തരം വന്നു കൊണ്ടിരിക്കുന്നത്. ഓഹരി അധിഷ്ഠിത മ്യൂച്വൽ ഫണ്ട് മ്യൂച്വൽ ഫണ്ടുകളിൽ തുടക്കകാരാണെങ്കിൽ ഈ വാർത്ത കേട്ട് ആശങ്കപ്പെടുന്നത് സ്വാഭാവികമാണ്. മ്യൂച്വൽ ഫണ്ട് എസ്ഐപി വഴി നിക്ഷേപിച്ച് നല്ലൊരു തുകയിലെത്തി നിൽക്കുമ്പോൾ ചുവപ്പ് പടരുന്നത് കണ്ട് വിറ്റൊഴിവാക്കുന്നതും തുടക്കകാരുടെ പ്രശ്നമാണ്. ഒരു ഇടിവിൽ ഒരു കയറ്റമുണ്ടാകും എന്ന കാര്യം നിക്ഷേപകർ ഓർക്കണം.
എസ്ഐപി വഴി നിക്ഷേപിക്കുന്നൊരാളാണെങ്കിൽ ഓഹരി വിപണിയിലെ കയറ്റിറക്കങ്ങൾ നേട്ടമാക്കി മാറ്റാൻ സാധിക്കും. ഇതിന് വിപണി തളർന്നിരിക്കുന്ന സമയത്തും നിശ്ചിത തുക തുടർച്ചയായി, നിക്ഷേപിക്കണം. എന്നാൽ പുതിയ നിക്ഷേപകർ മാർക്കറ്റ് ഇടിയുന്ന സമയത്ത് തെറ്റായ തീരുമാനങ്ങളെടുത്ത് മ്യൂച്വൽ ഫണ്ട് നഷ്ടത്തിൽ അവസാനിപ്പിക്കാറുണ്ട്. വിപണി ചാഞ്ചട്ടത്തിന്റെ സമയത്ത് എസ്ഐപി വഴി നിക്ഷേപിക്കുന്നൊരാൾ എങ്ങനെ നിക്ഷേപം ക്രമീകരിക്കണം എന്നാണ് ചുവടെ ചേർക്കുന്നത്.
മാര്‍ക്കറ്റ് തരകുമ്പോള്‍ എസ്ഐപി അവസാനിപ്പിക്കല്‍
ഓഹരിയധിഷ്ഠിത ഫണ്ടില്‍ എസ്ഐപി ചെയ്യുന്നവര്‍ ഫണ്ട് മികച്ച പ്രകടനം നടത്തുന്നവര്‍ നിക്ഷേപിക്കുകയും വിപണി മോശമായിരിക്കുമ്പോള്‍ നിക്ഷേപം അവസാനിക്കുകയും ചെയ്യാറുണ്ട്. ഇത് തെറ്റായ നിക്ഷേപ രീതിയാണ്. എന്നാല്‍ വിപണി നെഗറ്റീവ് റിസർട്ട് നൽകുമ്പോഴും എസ്ഐപി നിക്ഷേപം തുടരുകയാണെങ്കില്‍ നിക്ഷേപകന് റുപ്പി കോസ്റ്റ് ആവറേജിംഗിന്റെ നേട്ടം ലഭിക്കാന്‍ സാധിക്കും.
വിപണി ഉയര്‍ന്ന സമയത്ത് നെറ്റ് അസറ്റ് വാല്യു ഉയർന്ന് നിൽക്കുന്നതിനാൽ എസ്ഐപി തുകയ്ക്ക് കുറവ് യൂണിറ്റുകള്‍ മാത്രമാണ് നിക്ഷേപകന് ലഭിക്കുന്നത്. വിപണി താഴുമ്പോള്‍ നെറ്റ് അസ്റ്റ് വാല്യു കുറയുകയും കൂടുതല്‍ യൂണിറ്റുകള്‍ വാങ്ങാന്‍ സാധിക്കുകയും ചെയ്യും. നിക്ഷേപത്തിന്റെ ചെലവ് ശരാശരിയാക്കാന്‍ ഇതുവഴി സാധിക്കും.
എസ്ഐപി തുക ഉയര്‍ത്താതെ നില്‍ക്കുക
ചെറിയ തുക എസ്‌ഐപിയില്‍ വരുത്തുന്നത് നേട്ടമാകാന്‍ പോകുന്നത് നിക്ഷേപം പിന്‍വലിക്കുമ്പോഴാണ്. വിപണിയുടെ സാഹചര്യം നോക്കാതെ തന്നെ എസ്ഐപി വഴി നിക്ഷേപിക്കുന്നവര്‍ നിശ്ചിത കാലയളവില്‍ എസ്ഐപി തുക ഉയര്‍ത്തണം. സാധാരണ ഗതിയില്‍ എസ്ഐപി തുക വര്‍ഷത്തില്‍ 10 ശതമാനം ഉയര്‍ത്തുന്നത് വലിയ നേട്ടം ഉണ്ടാക്കും.
ഉദാഹരണത്തിന് 5000 രൂപ എസ്ഐപി വഴി നിക്ഷേപിക്കുന്നൊരാള്‍ക്ക് 12 ശതമാനം വാർഷിക ആദായം ലഭിച്ചാൽ 30 വര്‍ഷത്തിന് ശേഷം ലഭിക്കുന്നത് 1.74 കോടി രൂപയാണ്. ഈ നിക്ഷേപകന് 10 ശതമാനം വര്‍ഷത്തില്‍ എസ്ഐപി തുക വര്‍ധിപ്പിക്കുന്നുണ്ടെങ്കില്‍ 30 വര്‍ഷത്തിന് ശേഷം ലഭിക്കുന്ന തുക 4.4 കോടിയാണ്. ആദ്യ വര്‍ഷം 500 രൂപയാണ് വര്‍ധിപ്പിക്കേണ്ടി വരുന്നത്.
സ്‌മോള്‍ കാപ് ഫണ്ടിലുള്ള നിക്ഷേപം
മ്യൂച്വല്‍ ഫണ്ടില്‍ ഒറ്റത്തവണ നിക്ഷേപിക്കുന്നവര്‍ക്ക് വിപണി ഇടിയുന്ന സമയത്ത് വലിയ നഷ്ടം സംഭവിച്ച സ്‌മോള്‍ കാപ് ഫണ്ടില്‍ നിക്ഷേപിക്കുന്നതില്‍ തെറ്റില്ല. എന്നാല്‍ എസ്ഐപി നിക്ഷേപകര്‍ ഇത്തരം ഫണ്ടുകള്‍ തിരഞ്ഞെടുക്കുന്നത് ആത്മഹത്യാപരമാണ് എന്നാണ് വിദഗ്ധരുടെ വിലയിരുത്തൽ. ഇത് കാലാവധിയില്‍ ശരാശരി ആദായത്തെ കുറയ്ക്കുന്നു. മാര്‍ക്കറ്റ് ചാഞ്ചട്ടത്തിനിടയിലും വലിയ തോതില്‍ നഷ്ടം വരാത്ത ഫണ്ടുകള്‍ തിരഞ്ഞെടുത്ത് നിക്ഷേപിക്കുന്നതാണ് ഗുണകരം.
നിക്ഷേപിക്കാന്‍ സമയം കാത്തിരിക്കുക
മ്യൂച്വല്‍ ഫണ്ട് നിക്ഷേപത്തിനായി സമയം കാത്തിരിക്കുന്നതില്‍ അര്‍ഥമില്ല. എല്ലാ വിപണി ചലനങ്ങളിലും നിക്ഷേപിക്കുക എന്നതാണ് എസ്ഐപി വഴി ലഭിക്കുന്ന നേട്ടം. കഴിയുന്നതും വേഗത്തില്‍ നിക്ഷേപം ആരംഭിക്കുക എന്നതാണ് പ്രധാനം. അല്ലാതെ നിക്ഷേപത്തിനായി പ്രത്യേക സമയം കാത്തിരിക്കേണ്ടതില്ല. നേരത്തെ നിക്ഷേപം ആരംഭിക്കുന്നത് കോമ്പൗണ്ടിംഗിന്റെ നേട്ടം വര്‍ധിപ്പിക്കാന്‍ സഹായിക്കും.
