Just In
-
-
-
-
Don't Miss
-
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
ചെയ്യാവുന്നതൊക്കെ ചെയ്തിട്ടുണ്ടെന്ന് ഡോക്ടര് പറഞ്ഞു; അവസാനം ആ ശീലവും നിര്ത്തി; സലിം കുമാര് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
ഭാര്യയില് ഈ അഞ്ച് സ്വഭാവമുണ്ടോ? ദാമ്പത്യം പകുതിയില് അവസാനിക്കും -
പിണറായിയെ ഇഡി അറസ്റ്റ് ചെയ്താല് ആദ്യം പ്രതിഷേധം നടത്തുക രാഹുല് ഗാന്ധി: കെ സുരേന്ദ്രന് -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മക്കളുടെ ഭാവി സംബന്ധിച്ച ചിന്തിക്കുന്നവരാണ് എല്ലാ രക്ഷിതാക്കളും. ഉന്നത വിദ്യാഭ്യാസം, തൊഴിൽ, വിവാഹം എന്നിങ്ങനെയുള്ള ചെലവുകളെ കണ്ടെത്തുന്നതിന് വലിയ തുക കണ്ടെത്തേണ്ടതുണ്ട്. വർഷങ്ങൾ കഴിയുന്തോറും ചെലവ് കൂടി വരുന്നിടമാണ് ഉന്നത വിദ്യാഭ്യാസ മേഖല. ഇതിനാൽ നല്ലൊരു സമ്പാദ്യമില്ലെങ്കിൽ പഠനം പോലും അവതാളത്തിലാകും.
ഇതു മറികടക്കാൻ ചെറുപ്രായത്തിൽ തന്നെ മക്കളുടെ പേരിൽ വിവിധ നിക്ഷേപങ്ങൾ തിരഞ്ഞെടുക്കേണ്ടതുണ്ട്. സുകന്യ സമൃദ്ധി യോജന, ഇക്വിറ്റി മ്യൂച്വൽ ഫണ്ട്, പബ്ലിക്ക് പ്രൊവിഡന്റ് ഫണ്ട് എന്നിവയുടെ കോമ്പിനേഷൻ നിക്ഷേപമാണ് പരിഗണിക്കുന്നത്.
സുകന്യ സമൃദ്ധി യോജനയും പിപിഎഫും
റിസ്‌കില്ലാതെ നിക്ഷേപിക്കാവുന്ന സർക്കാർ പദ്ധതികളാണ് സുകന്യ സമൃദ്ധി യോജനയും പബ്ലിക്ക് പ്രൊവിഡന്റ് ഫണ്ടും. ഇതിൽ സുകന്യ സമൃദ്ധി യോജന പെൺകുട്ടികൾക്ക് മാത്രമായുള്ളതാണ്. പബ്ലിക്ക് പ്രൊവിഡന്റ് ഫണ്ടിൽ ആൺകുട്ടുകൾക്കും പെൺകുട്ടികൾക്കു അക്കൗണ്ടെടുക്കാം.
സുകന്യ സമൃദ്ധി യോജന യിൽ 7.6 ശതമാനം പലിശ ലഭിക്കും. പത്ത് വയസിനുള്ളിൽ സുകന്യ സമൃദ്ധി യോജന അക്കൗണ്ടെടുക്കണം. 21 വർഷമാണ് കാലാവധി. പെൺകുട്ടിയുടെ വിവാഹം അതിന് മുൻപ് നടന്നാൽ അത് കാലാവധിയായി കണക്കാക്കും.
സുകന്യ സമൃദ്ധി യോജനയിൽ 15 വർഷം വരെ നിക്ഷേപം നടത്തിയാൽ മതി. പെൺകുട്ടിക്ക് 18 വയസ് പൂർത്തിയായാൽ 50 ശതമാനം തുക വിദ്യാഭ്യാസ ആവശ്യങ്ങൾക്കായി പിൻവലിക്കാം. എന്നാൽ പിപിഎഫിൽ 15 വർഷത്തിന് ശേഷം നിക്ഷേപം പൂർണമായും പിൻവലിക്കാം. സുകന്യ സമൃദ്ധി യോജനയേക്കാൾ എളുപ്പത്തിൽ പണം പിൻവലിക്കാൻ സാധിക്കുന്നത് പിപിഎഫിലാണ്. രണ്ട് നിക്ഷേപവും പൂർണമായും നികുതി മുക്തമാണ്.
മ്യൂച്വൽ ഫണ്ട്
ദീർഘകാലത്തേക്ക് സുകന്യ സമൃദ്ധി യോജനയിലും പിപിഎഫിലും നിക്ഷേപിക്കുന്നത് ഗുണം ചെയ്‌തെന്ന് വരില്ല, ഇന്നത്തെ കാലത്ത് ഉയർന്നു വരുന്ന പണപ്പെരുപ്പവും വിദ്യാഭ്യാസ ചെലവുകളും നേരിടാൻ ഇവയുടെ ആദായം മതിയാകില്ല. ഇതിനാൽ പണപ്പെരുപ്പത്തെ മറികടക്കുന്ന ഇക്വിറ്റി മ്യൂച്വൽ ഫണ്ടുകളിലും നിക്ഷേപിക്കാം. ദീർഘകാലത്തേക്ക് ഇക്വിറ്റി മ്യൂച്വൽ ഫണ്ടിൽ എസ്‌ഐപി വഴി നിക്ഷേപിക്കുന്നത് മികച്ചൊരു സാധ്യതയാണ്. ദീർഘകാലത്തേക്ക് ആയതിനാൽ നഷ്ട സാധ്യത കുറയുന്നു.
പണം മൂന്ന് നിക്ഷേപത്തിലേക്കും
മൂന്ന് പദ്ധതികളും മാസ തവണകൾ അനുവദിക്കുന്നവയാണ്. നിക്ഷേപിക്കാനായി മാസത്തിൽ മാറ്റിവെയ്ക്കുന്ന തുക മൂന്ന് പദ്ധതികളിലേക്കും മാറ്റാം. ഇത് വിവിധ തരത്തിൽ മാറ്റാം. പൂർണമായും പരമ്പരാഗത നിക്ഷേപങ്ങളെ ആശ്രയിക്കുന്നവരും ലക്ഷ്യങ്ങൾക്ക് 15 വർഷത്തോളം സമയവുമുള്ളവർക്ക് സുകന്യ സമൃദ്ധി യോജന, പബ്ലിക്ക് പ്രൊവിഡന്റ് ഫണ്ട് എന്നിവയിൽ നിക്ഷേപിക്കാം.
പ്രായം കൂടിയ മക്കളുടെ ചെലവുകൾക്കായി 15 വര്ഡഷ ലോക്ഇൻ പിരിയഡുള്ള നിക്ഷേപങ്ങളെ ആശ്രയിക്കുന്നത് ഗുണകരമാകില്ല. ഇത്തരക്കാർക്ക് ഡെബ്റ്റ് മ്യൂച്വൽ ഫണ്ടുകളെ തിരഞ്ഞെടുക്കാം. ഇടത്തരം റിസ്‌കെടുക്കാൻ തയ്യാറുള്ളവർ 50 ശതമാനം ഇക്വിറ്റി മ്യൂച്വൽ ഫണ്ടിലും ബാക്കി തുക പിപിഎഫ്, സുകന്യ സമൃദ്ധി യോജന എന്നിവയലും നിക്ഷേപിക്കാം. റിസ്‌കെടുക്കാൻ താല്പര്യപ്പെടുന്നവർക്ക് 100 ശതമാനവും ഇക്വിറ്റിയലേക്ക് മാറ്റാം.
കാൽക്കുലേറ്റർ
15 വർഷത്തിന് ശേഷം 75 ലക്ഷം രൂപ നേടാൻ ആഗ്രഹിക്കുന്നൊരാൾ മ്യൂച്വൽ ഫണ്ട്, ഡെബ്റ്റ് (പിപിഎഫ്, സുകന്യ സമൃദ്ധി യോജന) എന്നിവയിൽ 80:20 അനുപാതത്തിൽ നിക്ഷേപിച്ചാൽ മാസത്തിൽ 18,000-19,000 രൂപ വരെ ആവശ്യമാണ്.
ഡെബ്റ്റ് ഇക്വിറ്റി അലോക്കേഷൻ 60:30 അനുപാതത്തിൽ തിരഞ്ഞെടുത്താൽ 10 വർഷം കൊണ്ട് 50 ലക്ഷം നേടാൻ മാസത്തിൽ 24,000 -25,000 രൂപ വരെ നിക്ഷേപിക്കണം. 40:60 ശതമാനം അനുപാതത്തിൽ മാസം 36,000-37,000 രൂപ നിക്ഷേപിച്ചാൽ 6 വർഷം കൊണ്ട് 35 ലക്ഷം നേടാം.
ഇൻഷൂറൻസും അനുയോജ്യം
മക്കളുടെയും കുടുംബത്തിന്റെയും ഭാവിക്കായി ഇൻഷൂറൻസും കരുതേണ്ടതുണ്ട്. ആകസ്മികമായി കുടുംബത്തിലെ വരുമാന സ്രോതസിന് എന്തെങ്കിലും സംഭവിച്ചാൽ സഹായകമാകാൻ നിക്ഷേപം മാത്രം മതിയാകില്ല. ഉന്നത വിദ്യാഭ്യാസം, വിവാഹം, വീട്ടു ചെലവ് എന്നിവയ്ക്കടക്കം പണം ലഭ്യമാകുന്ന തരത്തിലുള്ള ടേം ലൈഫ് ഇൻഷൂറൻസ് വാങ്ങണം.
