കൊച്ചി: സ്വര്ണവില വീണ്ടും പൂര്വ സ്ഥിതിയിലേക്ക്. കഴിഞ്ഞ ദിവസം ഒറ്റയടിക്ക് 600 രൂപ വര്ധിച്ച സ്വര്ണത്തിന് ഇന്ന് പവന് 600 രൂപ കുറഞ്ഞു.22,880 രൂപയാണ് പവന് വില. 2860 രൂപ ഗ്രാമിന് എന്ന നിലയിലാണ് വ്യാഴാഴ്ച കേരളത്തിലെ ജ്വല്ലറികളില് വ്യാപാരം നടക്കുന്നത്.
അമേരിക്കന് പ്രസിഡന്റ് തിരഞ്ഞെടുപ്പ് ഫലം പുറത്തുവന്നതോടെയാണ് ബുധനാഴ്ച സ്വര്ണവില കുതിച്ചുയര്ന്നത്.23,480 രൂപയായിരുന്നു ബുധനാഴ്ച പവന്റെ വില. Read Also: ട്രംപ് ഇംപാക്റ്റ്; സ്വര്ണവിലയില് വന് കുതിപ്പ്, ഒറ്റയടിക്ക് 600 രൂപ വര്ധിച്ചു
1,000, 500 രൂപ നോട്ടുകള് പിന്വലിച്ചതോടെ ആഭ്യന്തര സ്വര്ണ വിപണിയില് വ്യാപാരം കുറഞ്ഞിരുന്നു. വില്പനശാലകളില് വില്പന സാധാരണ ദിവസങ്ങളിലേതിനെ അപേക്ഷിച്ചു 10 ശതമാനത്തില് താഴെ മാത്രമായിരുന്നു. ഏതാനും ദിവസത്തേക്ക് ഈ സ്ഥിതി തുടര്ന്നേക്കാം.
ആഗോള ഓഹരി വിപണികള് കൂപ്പുകുത്തിയതോടെ സുരക്ഷിത നിക്ഷേപമെന്ന നിലയില് നിക്ഷേപകര് സ്വര്ണമടക്കമുള്ള ലോഹങ്ങളിലേക്ക് തിരിഞ്ഞതാണ് രാജ്യാന്തര വിപണിയിലും ആഭ്യന്തര വിപണിയിലും കഴിഞ്ഞ ദിവസം സ്വര്ണ വിലയില് വന് മാറ്റങ്ങളുണ്ടാവാന് കാരണമായത്.