ഗുജറാത്ത്, ഹിമാചൽ പ്രദേശ് വോട്ടെണ്ണൽ ആരംഭിച്ചതിനെ തുടർന്ന് ഓഹരി വിപണിയിൽ നഷ്ട്ടത്തോടെയായിരുന്നു തുടക്കമെങ്കിലും ബിജെപിക്ക് വിജയ സാധ്യത ഉറച്ചതോടെ ഓഹരി വിപണിയും ഉണർന്നു.

സെൻസെക്സ് 900 പോയിൻറിലേറെ ഉയർന്നു. ഫ്യൂച്ചർ ഗ്രൂപ്പിന്റെ ലോജിസ്റ്റിക് സംരംഭമായ ഫ്യൂച്ചർ സപ്ലൈ ചെയിൻ സൊല്യൂഷൻസിന്റെ 664 രൂപയായിരുന്ന ഓഹരി വില 674 രൂപയായി ഉയർന്നു.

ദേശീയ ഓഹരി സൂചികയായ നിഫ്റ്റി 10,300 പോയിന്റിലേയ്ക്കാണ് ഉയർന്നത്. ഓഹരി വിപണിയിൽ എല്ലാ മേഖലയിലും മികച്ച മുന്നേറ്റമാണുള്ളത്.
തുടക്കത്തിൽ 30 ഓഹരികളിൽ ഒരു ഓഹരി മാത്രമാണ് നേട്ടത്തോടെ വ്യാപാരം നടത്തിയിരുന്നത്. ഇത് സിപ്ലയുടെ ഓഹരിയായിരുന്നു.

യുഎസ് ഡോളറിനെതിരെ രൂപയുടെ മൂല്യം 25 പൈസ ഇടിഞ്ഞ് 64.29 എന്ന നിലയിലേക്ക് പതിച്ചിരുന്നു. ഇതിനെ തുടർന്നാണ് രാവിലെ ഓഹരി വിപണിയിലും ഇടിവ് രേഖപ്പെടുത്തിയത്. എന്നാൽ തിരഞ്ഞെടുപ്പ് ഫലം ബിജെപിക്ക് അനുകൂലമാകുന്നതോടെ വിപണിയിൽ വീണ്ടും മുന്നേറ്റം കണ്ടു തുടങ്ങി.

malayalam.goodreturns.in