Click it and Unblock the Notifications
റിസര്വ് ബാങ്കിന്റെ ശക്തമായ നിരീക്ഷണവും നിയന്ത്രണങ്ങളും ഉളളതിനാല് താരതമ്യേന റിസ്ക് കുറവുള്ളതും സ്ഥിരവരുമാനം നല്കുന്നതുമായ ബാങ്ക് സ്ഥിരനിക്ഷേപ (എഫ്ഡി) പദ്ധതികള്ക്ക് സ്വീകാര്യത ഏറെയാണ്. കോവിഡ് കാലഘട്ടത്തില് പലിശ നിരക്ക് താഴ്ന്ന നിലവാരത്തിലേക്ക് പോയിരുന്നെങ്കിലും സമീപകാലയളവില് റിപ്പോ നിരക്ക് തുടര്ച്ചയായി ഉയര്ത്തിയതോടെ ബാങ്ക് നിക്ഷേപങ്ങളുടെ ആദായവും വര്ധിക്കുന്ന സ്ഥിതിവിശേഷമാണ് നിക്ഷേപകരെ കാത്തിരിക്കുന്നത്.
എന്നിരുന്നാലും റിപ്പോ നിരക്ക് വര്ധനയുടെ തോതിന് ആനുപാതികമായി സ്ഥിര നിക്ഷേപങ്ങള്ക്കുമുള്ള പലിശ നിരക്ക് ഉയര്ത്താന് പൊതുമേഖലയിലേത് ഉള്പ്പെടെയുള്ള വന്കിട വാണിജ്യ ബാങ്കുകള് ഇതുവരെ തയ്യാറായിട്ടില്ല. മിക്ക വമ്പന് ബാങ്കുകളും നിക്ഷേപങ്ങളുടെ പലിശയില് നേരിയ തോതിലുള്ള വര്ധന മാത്രമാണ് നടപ്പാക്കിയിട്ടുള്ളത്. എന്നാല് ചെറുകിട ബാങ്കുകളാകട്ടെ ഇതിനോടകം സ്ഥിര നിക്ഷേപങ്ങള്ക്കുള്ള പലിശ നിരക്ക് 8 ശതമാനത്തിനും മുകളിലേയ്ക്ക് ഉയര്ത്തിക്കഴിഞ്ഞു.
അതേസമയം 8.5 ശതമാനത്തിന് മുകളിലുള്ള നിരക്കില് പലിശ വാഗ്ദാനം ചെയ്യുന്ന 5 ചെറുകിട ബാങ്കിംഗ് സ്ഥാപനങ്ങളെയും അവയുടെ നിക്ഷേപ പദ്ധതികളെ കുറിച്ചുമാണ് ചുവടെ വിശദീകരിക്കുന്നത്.
യൂണിറ്റി സ്മോള് ഫൈനാന്സ് ബാങ്ക്
നവംബര് മാസത്തില് ഇതിനകം രണ്ടു തവണയാണ് സ്ഥിര നിക്ഷേപങ്ങള്ക്കുള്ള പലിശ ഈ ചെറുകിട ബാങ്ക് ഉയര്ത്തുന്നത്. ഇതോടെ യൂണിറ്റി സ്മോള് ഫൈനാന്സ് ബാങ്കില് നിക്ഷേപമുള്ളവര്ക്ക് ഉയര്ന്ന ആദായത്തിനുള്ള മാര്ഗവും തെളിയുന്നു. 181 ദിവസം, 501 ദിവസത്തേക്കുള്ള എഫ്ഡി നിക്ഷേപങ്ങള്ക്കാണ് 9% പലിശ വീതം മുതിര്ന്ന പൗരന്മാര്ക്ക് ലഭിക്കുന്നത്. ഇതേകാലയളവില് പൊതുവിഭാഗത്തിലുള്ള നിക്ഷേപങ്ങള്ക്ക് 8.5% പലിശയും നല്കുന്നുണ്ട്.
അതേസമയം 7 ദിവസം മുതല് 10 വര്ഷം വരെയുള്ള വിവിധ കാലാവധിലെ സ്ഥിര നിക്ഷേപ പദ്ധതികളില് പൊതുവിഭാഗം നിക്ഷേപകര്ക്ക് 4.5% മുതല് 7.80% പലിശ വരെയാണ് വാഗ്ദാനം. ഇക്കൂട്ടത്തിലെ എഫ്ഡി നിക്ഷേപങ്ങള്ക്ക് മുതിര്ന്ന പൗരന്മാര്ക്ക് 4.5% മുതല് 8.30% വരെയാണ് യൂണിറ്റി സ്മോള് ഫൈനാന്സ് ബാങ്ക് പലിശ ഇനത്തില് ആദായം നല്കുന്നത്.
ഇസാഫ് സ്മോള് ഫൈനാന്സ് ബാങ്ക്
കേരളത്തിലെ തൃശൂര് ആസ്ഥാനമാക്കി പ്രവര്ത്തിക്കുന്ന മുന്നിര ധനകാര്യ സ്ഥാപനമാണ് ഇസാഫ് സ്മോള് ഫൈനാന്സ് ബാങ്ക്. നവംബര് 1-നായിരുന്നു ഏറ്റവുമൊടുവില് നിക്ഷേപങ്ങള്ക്കുള്ള പലിശ വര്ധനവ് പ്രഖ്യാപിച്ചത്. ഇതുപ്രകാരം 999 ദിവസത്തേക്ക് (2 വര്ഷം 8 മാസം 26 ദിവസവും) കാലാവധിയുള്ള സ്ഥിര നിക്ഷേപങ്ങള്ക്ക് പൊതുവിഭാഗത്തില് 8 ശതമാനവും മുതിര്ന്ന പൗരന്മാരുടെ വിഭാഗത്തില് 8.5% പലിശയും നല്കും. പ്രത്യേകമായി ആവിഷ്കരിച്ച ഈ എഫ്ഡി പദ്ധതിയില് നവംബര് 30-നുള്ളില് ചേരുന്നവര്ക്കാണ് ഇത്രയും ഉയര്ന്ന പലിശ വാഗ്ദാനം ചെയ്യുന്നത്.
അതേസമയം 7 ദിവസം മുതല് 10 വര്ഷം വരെയുള്ള വിവിധ കാലാവധിലെ സ്ഥിര നിക്ഷേപ പദ്ധതികള്ക്ക് പൊതുവിഭാഗത്തില് 4.00% മുതല് 7.25% വരെ പലിശയാണ് നല്കുക. സമാനമായ എഫ്ഡി നിക്ഷേപങ്ങള്ക്ക് മുതിര്ന്ന പൗരന്മാര്ക്ക് 4.5% മുതല് 7.75% വരെയാണ് ഇസാഫ് സ്മോള് ഫൈനാന്സ് ബാങ്ക് പലിശ ഇനത്തില് ആദായം നല്കുന്നത്.
ഉജ്ജീവന് സ്മോള് ഫൈനാന്സ് ബാങ്ക്
നവംബര് 5-നാണ് സ്ഥിര നിക്ഷേപങ്ങളുടെ പലിശ നിരക്കില് വര്ധന പ്രഖ്യാപിച്ച് ഉജ്ജീവന് സ്മോള് ഫൈനാന്സ് ബാങ്ക് രംഗത്തെത്തിയത്. പൊതുവിഭാഗം നിക്ഷേപകരേക്കാള് 0.75% അധിക പലിശയാണ് മുതിര്ന്ന പൗരന്മാര്ക്കായി വാഗ്ദാനം ചെയ്യുന്നത്. 80 ആഴ്ചയിലേക്കുള്ള (560 ദിവസം) മുതിര്ന്ന പൗരന്മാരുടെ സ്ഥിര നിക്ഷേപത്തിന് 8.75% പലിശയാണ് ഈ ചെറുകിട ബാങ്ക് നല്കുക. ഇതേ എഫ്ഡി പദ്ധതിയില് 8% പലിശയാണ് മറ്റു വിഭാഗം നിക്ഷേപകര്ക്ക് നല്കുന്നത്.
അതേസമയം 1 ആഴ്ച മുതല് 120 മാസം വരെയുള്ള വിവിധ കാലാവധിലെ സ്ഥിര നിക്ഷേപ പദ്ധതികള്ക്ക് പൊതുവിഭാഗത്തില് 3.75% മുതല് 7.50 % വരെ പലിശയാണ് നല്കുക. ഇതേ പദ്ധതികളില് 0.75% അധിക പലിശ, മുതിര്ന്ന പൗരന്മാര്ക്ക് ലഭിക്കുമെന്നാണ് ഉജ്ജീവന് സ്മോള് ഫൈനാന്സ് ബാങ്കിന്റെ വെബ്സൈറ്റില് സൂചിപ്പിക്കുന്നത്.
ഫിന്കെയര് സ്മോള് ഫൈനാന്സ് ബാങ്ക്
നവംബര് 9-നാണ് വിവിധ സ്ഥിര നിക്ഷേപ പദ്ധതികളുടെ പലിശ നിരക്കില് ഫിന്കെയര് സ്മോള് ഫൈനാന്സ് ബാങ്ക് വര്ധന പ്രഖ്യാപിച്ചത്. പൊതുവിഭാഗം നിക്ഷേപകരേക്കാള് 0.50% അധിക പലിശയാണ് മുതിര്ന്ന പൗരന്മാര്ക്കായി ബാങ്ക് വാഗ്ദാനം ചെയ്യുന്നത്. വിവിധ എഫ്ഡി പദ്ധതികളില് നിന്നും 1,000 ദിവസത്തേക്കുള്ള എഫ്ഡി നിക്ഷേപത്തിനാണ് ഏറ്റവും ഉയര്ന്ന പലിശ നല്കുന്നത്.
ഈ പദ്ധതിയില് മുതിര്ന്ന പൗരന്മാരായ നിക്ഷേപകര്ക്ക് 8.50 ശതമാനവും മറ്റുള്ളവര്ക്ക് 8% വീതവും ആദായമാണ് ഫിന്കെയര് സ്മോള് ഫൈനാന്സ് ബാങ്കിന്റെ വാഗ്ദാനം.
ഉത്കര്ഷ് സ്മോള് ഫൈനാന്സ് ബാങ്ക്
ഏറ്റവുമൊടുവില് ഒക്ടോബര് 17-നാണ് സ്ഥിര നിക്ഷേപങ്ങളുടെ പലിശ നിരക്ക് ഉത്കര്ഷ് സ്മോള് ഫൈനാന്സ് ബാങ്ക് ഉയര്ത്തിയത്. ഇതിലൂടെ പൊതുവിഭാഗം നിക്ഷേപകരേക്കാള് 0.75% അധിക പലിശയാണ് മുതിര്ന്ന പൗരന്മാര്ക്കായി ഈ ചെറുകിട ബാങ്കിന്റെ വാഗ്ദാനം. 700 ദിവസത്തേക്കുള്ള മുതിര്ന്ന പൗരന്മാരുടെ സ്ഥിര നിക്ഷേപത്തിന് 8.50% പലിശയാണ് ബാങ്ക് നല്കുക. ഇതേ എഫ്ഡി പദ്ധതിയില് 7.75% പലിശയാണ് മറ്റു വിഭാഗം നിക്ഷേപകര്ക്ക് ലഭിക്കുന്നത്.
അതേസമയം 7 ദിവസം മുതല് 10 വര്ഷം വരെയുള്ള വിവിധ കാലാവധിലെ സ്ഥിര നിക്ഷേപ പദ്ധതികള്ക്ക് പൊതുവിഭാഗത്തില് 4.00% മുതല് 7.75% വരെ പലിശയാണ് നല്കുക. ഇതേ പദ്ധതികളില് 0.75% അധിക പലിശ, മുതിര്ന്ന പൗരന്മാര്ക്ക് ലഭിക്കുമെന്നാണ് ഉത്കര്ഷ് സ്മോള് ഫൈനാന്സ് ബാങ്കിന്റെ വെബ്സൈറ്റില് സൂചിപ്പിക്കുന്നത്.
More From GoodReturns
ബെംഗളൂരു-കണ്ണൂര് എക്സ്പ്രസ് കോഴിക്കോട് വരെ നീട്ടി; മാര്ച്ച് 15 മുതല് സര്വീസ്, സമയക്രമം ഇതാ
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു മലയാളികളുടെ ശ്രദ്ധയ്ക്ക്, പെരിന്തല്മണ്ണ-ബെംഗളൂരു കെഎസ്ആര്ടിസി സര്വീസ്, സമയവും റൂട്ടും ഇതാ
എണ്ണ വിതരണത്തിൽ തലപുകച്ച് ഏഷ്യൻ രാജ്യങ്ങൾ, കടുത്ത നിയന്ത്രണവുമായി പാകിസ്ഥാൻ, സ്കൂളുകൾ അടച്ചു
മേക്ക് ഇന് ഇന്ത്യയ്ക്ക് കരുത്തായി ബെംഗളൂരുവില് എയര്ബസ് ടെക്നോളജി സെന്റര്, യൂറോപ്പിന് പുറത്തെ വലിയ കേന്ദ്രം
ബെംഗളൂരുവിൽ ഇനി ഭക്ഷണം കുറഞ്ഞ നിരക്കിൽ കിട്ടില്ല; കാരണമിതാണ്…
ദുബായിൽ സ്വർണ വില ഇടിഞ്ഞു, അധികം വാങ്ങിയാൽ മികച്ച ലാഭം, പവന്റെ വിലയിലെ മാറ്റം അറിയാം
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
യാത്ര പോകുന്നവർ അറിയാൻ, ട്രെയിൻ സർവ്വീസുകളിൽ മാറ്റങ്ങളുണ്ട്, ശ്രദ്ധിച്ചില്ലെങ്കിൽ എട്ടിന്റെ പണി
Sign in with Google