റിലയന്സ് ജിയോയെ നേരിടാന് ഞെട്ടിക്കുന്ന ഓഫറുകളുമായി ബിഎസ്എന്എല് വീണ്ടും. ടെലികോം രംഗത്തെ എല്ലാ കമ്പനികളുടേയും മത്സരത്തിലേക്ക് ബിഎസ്എന്എല്ലും ഇതോടെ പങ്കുചേരുകയാണ്. ഉപഭോക്താക്കള്ക്കായി ഡാറ്റയിലും കോളിലും വമ്പന് ഓഫറുകളുമായാണ് ബിഎസ്എന്എല് എത്തിയിരിക്കുന്നത്.
അണ്ലിമിറ്റഡ് ഇന്റര്നെറ്റ്
പ്രതിമാസം 1119 രൂപയ്ക്കു 2 എംബിപിഎസ് വേഗത്തില് അണ്ലിമിറ്റഡ് ഇന്റര്നെറ്റും, 24 മണിക്കൂറും രാജ്യത്തെവിടെയും സൗജന്യ ലാന്ഡ് ലൈന് കോളുകളും ലഭിക്കും.1119 രൂപയുടെ ബിബിജി കോംബോ യുഎല്ഡി 1199 എന്ന പ്ലാന് ഇന്നു മുതല് നിലവില് വന്നു.
ഓഫര് ഇങ്ങനെ
2 എബിപിഎസ് വേഗത്തില് മാസം മുഴുവന് പരിധിയില്ലാതെ ഇന്റര്നെറ്റ് ലഭിക്കുമെന്നതാണ് ഇതിന്റെ പ്രധാന ആകര്ഷണം. ടെലഫോണ് കണക്ഷന് പ്രതിമാസ വാടകയുണ്ടാവില്ല. ഇന്ത്യയിലെങ്ങും സൗജന്യമായ അണ്ലിമിറ്റഡ് എസ്ടിഡി/ ലോക്കല് ലാന്ഡ് ലൈന് കോളുകളാണ് ഈ ഓഫറിനൊപ്പം നല്കുന്നത്.
249 രൂപയുടെ പ്ലാന്
249 രൂപയ്ക്ക് ഒരു മാസ കാലാവധിയില് 2 എംബിപിഎസ് സ്പീഡുള്ള ബ്രോഡ്ബാന്ഡ് എന്ന ഡാറ്റാ പാക്കേജും ബിഎസ്എന്എല് പുറത്തിറക്കി. 249 രൂപയുടെ ബ്രോഡ്ബാന്ഡ് പോസ്റ്റ്പെയ്ഡ് പ്ലാനില് ആദ്യത്തെ 1 ജിബി ഉപയോഗത്തിന് 2 എംബിപിഎസ് വേഗവും പിന്നീടുള്ള ഉപയോഗത്തിന് 1 എംബിപിഎസ് വേഗവും ലഭിക്കും.
സൗജന്യകോളുകള്
ലാന്ഡ് ലൈനില് നിന്നു ദിവസവും രാത്രി ഒമ്പതു മുതല് രാവിലെ ഏഴു വരെയും ഞായറാഴ്ചകളിലും സൗജന്യ കോളുകളും ഈ ഓഫറിനൊപ്പം ലഭിക്കും.
1 ജിബിക്ക് 1 രൂപയില് കുറവ്
പ്രതിമാസം 300 ജിബി ഡാറ്റ ഉപയോഗിക്കുന്ന ഒരു ഉപയോക്താവിന് ഈ പ്ലാനെടുത്താല് 1 ജിബി ഡേറ്റ ഉപയോഗത്തിന് ഒരു രൂപയില് താഴെയേ ചെലവു വരൂ എന്നു ബിഎസ്എന്എല് പറയുന്നു.